Click here to read an English version of this story
Grant Hall-am laavkaani, iteryaram yaaqsinrilkiini, amiigtangqertuq tallirpilirnermi. Tuani Shel ch’naq’ahnilu quyurrvik uitauq. Elitnaurat wall’ calistet wall’ yuut tuani quyurtetuut wall’ ilaliutuut allanek yugnek. Alaska Pacific University-m elitaurviani uitauq. Alaska-m yupiarit wall’ taillret nunacuarnek elitnaryartulriit, tuani Tan’gaucuar ca lituuq. Ikayuryugngai elitnaulriit ikayuryulriit.
“Tailuci ilaliuryarturci,” Tan’gaucuaq qanellruuq. “Ikayuryukuvci, ikayuryugngaamci.”
Tan’gaucuaraam ikayuryugngai tamalkuita elitnaurat, taugaam Yuut pinruluki. Nallunrita qaill ayuqellra nunacuarmek elityauryartulleq nunarpagmun. Caperrnarquq cup’eggnaqluni-llu. Yuurtellruuq, anglillruluni-llu Mikuryarmiuni, Nunivaarmi. Fairbanks-ami “Kicarvigmi”-llu elitnaullruuq. Yuut Quyurrviatnun iteryunqellruuq allat yuut paqluki wall’ ilaliuryarturluki University of Alaska-ami. Tua-i-ggua, tamaani Yuut tangerrluki ilakuyutellruamiki, umyuarteqellruuq qaqiutellrunricartuq elitnaullermini.
Tamaana umyuaqluku, Quyurrvik caliviani cumigtellriit cingumapiarai. “Cingumaanka elitnaulriit qaqitesqelluki maaken elitnaurvigmek. Ikayuryuganka elitnaurat nuuqitellriit kalikatgun wall’ ayuquciimegteggun,” Tan’gaucuar qanellruuq. Ayagnillrani Tan’gaucuar, quyurcillruuq imirarkaitnek kalikanek elitnaurviim akiutekaitnek cali elitnauryulriit Yugcetun. Yuraryulriit-llu Cetamiritni yuratuut, apiatatuut-llu ataucimi ernermi Iraluaqan. Man’a elitnaurvik ikayuqluteng Alaska Native Heritage Center-aaq-llu atkuliut cauyanek-llu yaani Alaska Native Heritage Center-aam laavkaatni Tallimiritni Maqinerni-llu. Ukuk erenregni: Kanruyauciq 4-5 tuall’ 11-12-aami: 1-4 p.m. sass’ami. Cali calicuqut cav’uteliciqut maani, Kanruyauciq 25-aami, Kep’nerciq 4-aami-llu tauten, 1-4 sass’ami.
“Ampi tailuci maavet ikayuryukuvci, wall’ ilaliuryukuvci. Ciuniurciqamci. Elmikun maantenritua. Ikayuryugngaamci canek nuuqiskuvci, piyugngatacimtun ikayurciqamci.”
Canek apyutengqerkuvci piyugtacimtun kiuciqamci. Am’ tailuci Quyurrvigmun. Paqeskia. Quyana.
Translation by Barbara Amos, Alaska Native and Rural Student Services Coordinator
